Vətən müharibəsi şəhidi Elnur Şahmurad oğlu Cabbarovun əziz xatirəsi ehtiramla yad olundu
Laçın Rayon İcra Hakimiyyəti rəhbərliyi, rayon ictimaiyyəti nümayəndələri və şəhid Cabbarov Elnur Şahmurad oğlunun ailə üzvüləri, yaxınları ilə birlikdə 12.11.2020-ci il tarixdə Ağcabədi rayonu Taxta Körpü ərazisində Qarakeçdi kənd qəbirstanlığında dəfn olunmuş şəhid Cabbarov Elnur Şahmurad oğlunun şəhid olmasının növbəti ildönümü ilə əlaqədar məzarını ziyarət etmiş önünə tər qərənfillər düzərək, əziz xatirəsini ehtiramla yad etmişlər.
Vətən müharibəsi iştirakçısı Cabbarov Elnur Şahmurad oğlu Fizuli rayonu uğrunda gedən döyüşlər zamanı qəhramancasına şəhid olmuşdur. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirən şəhid Cabbarov Elnur Şahmurad oğlu Azərbaycan Respublikasının Prezidenti cənab İlham Əliyevin müvafiq Sərəncamlarına əsasən ölümündən sonra 09.12.2020 il tarixdə - "Qarabağ" ordeni, 15.12.2020-ci il tarixdə -- "Vətən uğrunda" medalı, 24.12.2020-ci il tarixdə - "Cəbrayılın azad olunmasına görə" medalı, 25.12.2020-ci il tarixdə - "Xocavəndin azad olunmasına görə" medalı, 25.12.2020-ci il tarixdə - "Füzulinin azad olunmasına görə" medalı ilə təltif edilmişdir.
Allah bütün şəhidlərimizə rəhmət eləsin!
