Şəhid Hacıyev Şükür Aslan oğlunun anım günü qeyd olundu
2022-ci il 6 noyabr tarixdə Laçın Rayon İcra Hakimiyyətinin rəsmiləri, şəhidin ailə üzvləri və yaxın qohumlarının iştirakı ilə Ağdam rayonunun Quzanlı qəsəbə qəbiristanlığında dəfn olunmuş şəhid Hacıyev Şükür Aslan oğlunun vəfatının növbəti ildönümü ilə bağlı məzarı ziyarət olunmuş, məzarı önünə tər qərənfillər düzülərək, əziz xatirəsi ehtiramla yad olunmuşdur.
Vətən müharibəsi iştirakçısı Şükür Hacıyev Laçın-Şuşa istiqamətində gedən döyüşlər zamanı qəhrəmancasına şəhid olmuşdur. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirən şəhid Hacıyev Şükür Aslan oğlu Azərbaycan Respublikasının Prezidenti cənab İlham Əliyevin Sərəncamına əsasən ölümündən sonra “Vətən uğrunda” medalı, “Qubadlının azad olunmasına görə" medalı, “Laçının azad olunmasına görə” medalı, “Şuşanın azad olunmasına görə” medalı və 3-cü dərəcəli "Vədənə xidmətə görə" ordeni ilə təltif edilmişdir.
Allah bütün şəhidlərimizə rəhmət eləsin!
