Laçınlılar xalqımızın Ümummilli lideri Heydər Əliyevin anadan olmasının 102-ci ildönümü ilə bağlı ağacəkmə aksiyasına qoşulublar
Xalqımızın ümummilli lideri Heydər Əliyevin anadan olmasının 102-ci ildönümü ilə bağlı ölkəmizin hər yerində olduğu kimi, laçınlı məcburi köçkünlərin müvəqqəti məskunlaşdığı Ağcabədi rayonu Taxta Körpü ərazisində Laçın Rayon İcra Hakimiyyətinin təşkilatçılığı ilə silsilə tədbirlər keçirilir. Bu günlər ölkəmizin bütün guşələrində olduğu kimi xalqımızın Ümummilli lideri Heydər Əliyevin anadan olmasının 102-ci ildönümü münasibətilə Laçın rayonunda da silsilə tədbirlər keçirilir. Bu tədbirlərin davamı olaraq Laçın Rayon İcra Hakimiyyətinin təşkilatçılığı ilə Taxta Körpü qəsəbəsində ağacəkmə aksiyası keçirilmişdir.
Tədbirdən əvvəl iştirakçılar hazırda Ağcabədi rayonunun Taxta Körpü qəsəbəsində fəaliyyət göstərən Laçın Rayon İcra Hakimiyyətinin inzibati binası önündə xalqımızın Ümummilli lideri Heydər Əliyevin xatirəsinə ucaldılmış büstü ziyarət edərək önünə tər gül dəstələri düzmüş, onun əziz xatirəsini ehtiramla yad etmişlər. Sonra tədbir laçınlı məcburi köçkünlərin müvəqqəti məkunlaşdıqları Ağcabədi rayonunun Taxta Körpü qəsəbəsi ərazisində ağacəkmə aksiyası ilə davam etdirilmişdir.
Tədbirdə Laçın Rayon İcra Hakimiyyətinin başçısı Aqil Nəzərli, hüquq-mühafizə orqanlarının, idarə, müəssisə, təşkilat rəhbərləri və çoxsaylı ictimaiyyət nümayəndələri iştirak etmişlər. Keçirilən növbəti ağacəkmə aksiyası ərazidəki 552 ailəlik köçkün qəsəbəsi yaxınlığında inşa olunmuş “Zəfər parkı” ərazisini əhatə etmişdir.
Aksiya çərçivəsində yerli iqlim şəraitinə uyğun olaraq ümumilikdə rəmzi olaraq 102 ədəd Eldar şamı və küknar tingləri əkilib. Ərazidə abadlıq işləri görülüb və əkilən ağaclara zəruri aqrotexniki qulluq göstərilib. Həmçinin yaşıllıq zonalarında qurumuş ağaclar çıxarılaraq yeniləri ilə əvəz olunublar.
Qeyd olunub ki, aksiyanın keçirilməsində məqsəd ölkəmizin əsası Ulu öndər Heydər Əliyev tərəfindən qoyulmuş yaşıllaşdırma ənənələrini və əhali arasında təbiətə olan qayğı hissini təbliğ etmək, ictimaiyyətin diqqətini yaşıllıqların qorunmasına yönəltmək, ekoloji tarazlığın bərpası, ətraf mühitin sağlamlaşdırılmasından ibarətdir.
