Laçınlı məktəblilər Ulu öndər Heydər Əliyev irsini sevə-sevə öyrənirlər

      Azərbaycan Respublikası Prezidenti cənab İlham Əliyevin  2022-ci il 28 noyabr tarixli 3623 nömrəli Sərəncamı ilə ölkənizdə  2023-cü il  “Heydər Əliyev İli “ elan edilmişdir. Bununla bağlı təsdiq edilmiş Tədbirlər Planına uyğun olaraq Şərqi Zəngəzur Təhsil İdarəsinin Laçın rayonu üzrə  təhsil sektorunun tabeliyində olan rayonun ümumtəhsil məktəblərində silsilə tədbirlər keçirilir. Ötən dövr ərzində rayonun ümumi təhsil məktəblərində “Nə qədər ki, Azərbaycan var, məndə varam!” mövzusunda konfrans, “ Heydər Əliyev və milli-mənəvi dəyərlərimiz” adlı Novruz Mühazirəsi, “Heydər Əliyev və çağdaş Azərbaycan dövlətçiliyi” mövzusunda dəyirmi masa, “ Heydər Əliyev və vətənpərvər Azərbaycan gəncliyi” , “Xalqa bağlanmış ömür” mövzularında geniş tədbirlər keçirilmişdir.

      Bununla yanaşı Azərbaycan Respublikası Elm və Təhsil Nazirliyinin 03 fevral 2023-cü il tarixli 3-29/3-2-32F/2023 nömrəli əmrinə uyğun olaraq Rayonun ümumi təhsil məktəblərinin IX-XI sinif şagirdləri arasında “Ən yaxşı təqdimat” müsabiqəsi keçirilmişdir. 
    10 aprel 2023-cü il tarixdə Şərqi Zəngəzur Təhsil İdarəsinin Laçın rayonu üzrə  təhsil sektorunun təşkilatçılığı ilə  rayonun M.Müseyibov adına Bozlu kənd tam orta məktəbində   "Xalqımızın ümummilli lideri Heydər Əliyev və müasir Azərbaycan" mövzusunda tədbir keçirildi. Tədbirdən əvvəl  Laçın rayon Uşaq Gənclər İnkişaf Mərkəzinin  dərnək üzvlərinin və ümumi təhsil məktəblərinin şagirdlərinin əl işlərindən ibarət  təşkil olunan sərgidə nümayiş olunanlar yeniyetmə və uşaqlarda Ulu Öndər Heydər Əliyevə olan sonsuz    sevgi və maraq iştirakçılarda xoş təəssürat yaratmışdır