Laçın rayonunun Zabux kəndinə 7-ci mərhələdə daha 30 məcburi köçkün ailəsi yola salındı
22 dekabr 2023 | 09:24
Azərbaycan Respublikasının Prezident cənab İlham Əliyevin tapşırığına uyğun olaraq, Laçın rayonunun yenidən salınan Zabux kəndinə 2023-cü il 22 dekabr tarixdə daha 30 ailənin köç karvanının yola salınması mərasimi keçirilmişdir.
Ümumi sahəsi 81 hektar olan Zabux kəndinə 245 ailənin köçürülməsi nəzərdə tutulur. İlkin mərhələdə kəndə 223 ailə köçürüləcəkdir. Kənddə 50 yerlik uşaq bağçası, inzibati bina tibb məntəqəsi inşa edilmişdir. Zabux kəndində evlərin, sosial obyektlərin və küçələrin işıqlandırılmasında “yaşıl enerji”dən istifadə ediləcəkdir. Dövlətimizin başçısının tapşırıqlarına uyğun olaraq, kənddə bütün işlər ən yüksək səviyyədə həyata keçirilir.
22.12.2023-cü il tarixində, saat 07:00-da Laçın rayonunun Zabux kəndinə ümumilikdə 30 ailə - 121 nəfər, o cümlədən Bakı şəhərində məskunlaşmış 14 ailə - 60 nəfər, Sumqayıt şəhərində məskunlaşmış 2 ailə - 7 nəfər, Abşeron rayonunda məskunlaşmış 3 ailə - 10 nəfərBakı şəhəri, Qaradağ rayonu, “Qobu Park-3” yaşayış kompleksindən, Mingəçevir şəhərində məskunlaşmış 1 ailə - 4 nəfər, Ağcabədi rayonunda məskunlaşmış 1 ailə - 4 nəfər, Bərdə rayonunda məskunlaşmış 5 ailə - 18 nəfər, Göyçay rayonunda məskunlaşmış 3 ailə - 15
nəfər, Tərtər rayonunda məskunlaşmış 1 ailə - 3 nəfər məskunlaşdıqları ərazidən Füzuli rayonunun Horadiz şəhərində köç karvanına qoşularaq, bir yerdə Laçın rayonunun Zabux kəndinə yola salınmışdır. 22.12.2023-cü il tarixindəki köç nəzərə alınmaqla, Laçın rayonunun Zabux kəndinə ümumilikdə 176 ailə - 688 nəfər köçürülmüşdür.
Ölkə başçısı, Müzəffər Ali Baş Komandan cənab İlham Əliyevin rəhbərliyi ilə rəşadətli Azərbaycan ordusunun qazandığı Zəfər nəticəsində məcburi köçkünlərin 30 ildən sonra sevinclə doğma yurdlarına qayıtdıqlarına görə Prezident cənab İlham Əliyevə və Birinci vitse-prezident Mehriban xanım Əliyevaya təşəkkür etmişlər. Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirmiş, bu yolda canlarından keçən şəhidlərimizə rəhmət, ailələrinə səbr diləmişlər.
Keçidlər
