“İnsan Hüquqları aylığı“ ilə bağlı tədbir keçirilmişdir. 11.06.2026
11 iyun 2026-cı il tarixində Laçın Rayon İcra Hakimiyyətinin konfrans zalında təşkil olunan tədbirdə Laçın Rayon İcra Hakimiyyəti başçısının birinci müavini Tofiq Mirzəyev, aparatın əməkdaşları, o cümlədən ərazi üzrə icra nümayəndələri iştirak etmişdilər.
Tədbiri Laçın Rayon İcra Hakimiyyəti başçısının birinci müavini Tofiq Mirzəyev açaraq çıxışında Azərbaycan Respublikasının Prezidenti İlham Əliyevin 18 iyun 2007-ci il tarixli müvafiq Sərəncamı ilə hər il iyun ayının 18-nin ölkəmizdə İnsan Hüquqları Günü kimi qeyd olunduğunu bildirmiş, bununla yanaşı Azərbaycan Respublikasının İnsan Hüquqları üzrə Müvəkkilinin təşəbbüsü ilə 18 İyun “İnsan Hüquqları Günü” ərəfəsində ölkəmizdə may ayının 18-dən iyun ayının 18-i tarixinədək elan edilmiş “İnsan Hüquqları aylığı“ ilə bağlı tədbir iştirakçılarına dövlətimizin insan hüquq və azadlıqları istiqamətində gördüyü tədbirlərin beynəlxalq təşkilatlar tərəfindən yüksək qiymətləndirilməsindən bəhs etmişdir.
Rayon rəsmisi çıxışında Azərbaycan Respublikası müstəqillik qazandıqdan sonra beynəlxalq cəmiyyətin tamhüquqlu və beynəlxalq hüququn müstəqil subyekti kimi əsrlərin sınağından çıxmış ümumbəşəri dəyərlərin üstünlüyünü qəbul edərək demokratik, hüquqi və dünyəvi dövlət quruculuğunu, eyni zamanda bəşər sivilizasiyasının idealları olan azadlığı, insan hüquqları, ədaləti və sülhü özünün inkişaf yolu seçdiyini, insan hüquqları amilinin Ümummilli lider Heydər Əliyevin siyasi fəaliyyətinin əsas prioritetlərindən biri olduğunu, bu da bilavasitə onun rəhbərliyi və təşəbbüsü ilə kifayət qədər normativ-hüquqi sənədlərin qəbul edilməsi ilə nəticələndiyini natiq xüsusilə vurğulamışdır. Həmçinin 1993-cü ildə Ümummilli liderin xalqın təkidi ilə yenidən hakimiyyətə qayıdışından sonra dövlətimizdə insan hüquqlarının təminatlı sisteminin əsaslı bünövrəsindən bəhs edərək Azərbaycan Respublikasının qanunvericilik sisteminin ən ali qanunu Konstitusiyanın qəbul edilməsi bu istiqamətdə əməli dönüş olduğunu qeyd etmiş, Konstitusiya layihəsi üzrə komissiyaya rəhbərlik edən Ümummilli lider Əsas Qanunda əksini tapmış bütün maddələrin məhz insan hüquq və azadlıqlarına tam cavab verməsi məqsədini ön plana çəkdiyini tədbir iştirakçılarının diqqətinə çatdırmış və milli qanunvericiliyimizdə insan hüquqlarının qorunmasını dövlətin ali məqsədi hesab edən xüsusilə, Azərbaycan Respublikasının Konstitusiyasında beynəlxalq hüquq normalarının üstünlüyünü qəbul edən kifayət qədər müddəalar olduğunu,eyni zamanda “İnsan və vətəndaş hüquqlarının və azadlıqlarının təmin edilməsi sahəsində tədbirlər haqqında” 22 fevral 1998-ci tarixli Fərman, "İnsan hüquqlarının müdafiəsinə dair Dövlət Proqramının təsdiq edilməsi haqqında” 18 iyun 1998-ci il tarixli Sərəncam ,Ümummilli Lider Heydər Əliyev tərəfindən 1998-ci il iyunun 18-də ilk "İnsan hüquqlarının müdafiəsinə dair Dövlət Proqramı"nda təsbit olunmuş fundamental dəyərlərdən bəhs etmişdir.
Laçın Rayon İcra Hakimiyyəti başçısı aparatında Hüquq və kadr məsələləri sektorunun məsləhətçisi Minə Əliyeva çıxış edərək ölkəmizin hal-hazırda Azərbaycan Respublikasının Prezidenti İlham Əliyev tərəfindən dövlətdaxili sferada və beynəlxalq aləmdə, o cümlədən mühüm beynəlxalq təşkilatlarda aparılan uğurlu və ideal fəaliyyət isə dövlətimizin insan hüquqları istiqamətində də düzgün siyasətini, tərəfdar çıxdığı beynəlxalq müqavilələr, Dayanıqlı İnkişaf Məqsədləri, qüvvədə olan qanunvericilik aktları, dövlət proqramları, strategiyalar, milli fəaliyyət planları, konsepsiyalar, habelə bu kimi digər sənədlər, eyni zamanda, cəmiyyətdə hüquq düşüncəsinin və hüquq mədəniyyətinin inkişaf etdirilməsi, insan hüquqlarının müdafiəsi sahəsində əldə olunmuş nailiyyətlər və qarşıda duran vəzifələr barədə tədbir iştirakçılarını geniş məlumatlandırmışdır.
Sonda tədbir iştirakçılarını maraqlandıran suallara cavab verilmişdir.
