Dövlət orqanlarında ictimai iştirakçılığın tətbiqinin genişləndirilməsi və ictimai şuraların fəaliyyətinin səmərəliliyinin artırılması mövzusunda iclas keçirilmişdir.

Azərbaycan Respublikası Prezidentinin 2022-ci il 4 aprel tarixli 3199 nömrəli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın 5.2-ci  bəndində dövlət orqanlarında (qurumlarında) ictimai iştirakçılığın tətbiqinin genişləndirilməsi və ictimai şuraların fəaliyyətinin səmərəliliyinin artırılması məsələsinin dövlət orqanlarının vəzifələrindən müəyyən edilmişdir.

Həmin tapşırığın icrası olaraq, 2023-cü il 16 fevral tarixdə Laçın Rayon İcra Hakimiyyəti yanında İctimai Şuranın Laçın rayonu üzrə fəaliyyət göstərən dövlət orqanlarında (qurumlarında) ictimai iştirakçılığın tətbiqinin genişləndirilməsi və ictimai şuraların fəaliyyətinin səmərəliliyinin artırılması mövzusunda İctimai Şuranın iclası keçirilmişdir.

İclasda İctimai Şuranın sədri Səyyaf Məmiyevin həmin mövzuda geniş məruzəsi dinlənilmiş, cari ildə bu sahədə qarşıda duran vəzifələr müəyyən edilmişdir.

Tədbirdə çıxış edən İctimai Şuranın üzvləri dövlət orqanlarında (qurumlarında) ictimai iştirakçılığın tətbiqinin genişləndirilməsi və ictimai şuraların fəaliyyətinin səmərəliliyinin artırılmasının vacibliyini bildirmiş, İctimai Şuraların tərkibinə əhalinin müxtəlif zümrələrinin nümayəndələrinin daxil edilməsini təklif etmişlər.

Sonda İctimai Şuranın sədri Səyyaf Məmiyev Azərbaycan Respublikası Prezidentinin 2022-ci il 4 aprel tarixli 3199 nömrəli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın 5.2-ci  bəndinin icrası ilə bağlı dövlət orqanlarında ictimai iştirakçılığın tətbiqinin genişləndirilməsi və ictimai şuraların fəaliyyətinin səmərəliliyinin artırılmasının zamanın tələbi olduğunu bilirmiş, bu istiqamətdə görüləcək işlərdə Şura üzvlərinə uğurlar arzulamışdır.