15 may Beynəlxalq Ailə Günüdür

15 may Beynəlxalq Ailə Günü  BMT  Baş Assambleyasının 20 sentyabr  1993-cü il qətnaməsinə əsasən  bütün dünyada qeyd olunur. Azərbaycanda ailə bütün zamanlarda cəmiyyətin ən müqəddəs təməl daşı hesab olunub. Ömrünün 30 ildən çoxunu xalqımızın inkişafı və firavanlığına həsr etmiş Ulu öndər Heydər Əliyevin, 2003-cü ildən isə ölkə Prezidenti cənab İlham Əliyevin hər bir azərbaycanlı ailəsinə, onun problem və çətinliklərinə diqqət və həssaslıqla  yanması  cəmiyyətimizdə  rəğbətlə  qarşılanır. Bu baxımdan 1998-ci ildə “Qadın Problemləri üzrə Dövlət Komitəsi” nin, 2006-cı ildə isə Prezident cənab İlham Əliyevin Sərəncamı ilə ölkəmizdə “Ailə, Qadın və Uşaq Problemləri üzrə Dövlət Komitəsi”nin yaradılması ilə bu sahədə bu sahədə xeyli irəliləyişlərə nail olunmuşdur.
Son illər “Ailə, Qadın və Uşaq Problemləri üzrə Dövlət Komitəsi” tərəfindən 15 may Ailə günü ilə bağlı yekun tədbirin regionlarda keçirilməsi, bütün regionların bu tədbirə cəlb edilməsini asanlaşdırmışdır. 2013-cü il 15 may tarixdə  Azərbaycan Respublikası Ailə, Qadın və Uşaq Problemləri üzrə Dövlət Komitəsinin təşkilatçılığı ilə  Şəki  şəhərində 78 ailənin iştirakı ilə keçirilən tədbirdə rayonumuzu  Ərikli  kənd sakini, övladlarının biri Hollandiyada Qronigen Universitetində, digəri  isə hal-hazırda Prezident Təqaüdçüsü olmaqla  Qafqaz Universitetində  təhsil alan, digər iki  övladı isə  Bakı Dövlət  Universitetinin    məzunları  olan Şükürov Asif  Etibar oğlu  öz ailəsi ilə birlikdə təmsil etmişdir. Bayram tədbirində Şükürovlar ailəsi Ulu Öndər Heydər Əliyevin anadan olmasının 90 illik yubileyi münasibətilə Komitə tərəfindən diplom və qiymətli hədiyyə ilə təltif olunmuşdur.
Bayram  tədbirində  müxtəlif  rayonlardan  gəlmiş ailələrin əl işləri nümayiş olunmuş, yaradıcı ailələrin və respublikanın incəsənət ustalarının iştirakı ilə konsert proqramı təşkil edilmişdir.