Ulu öndər Heydər Əliyevin anadan olmasının 90 illik yubileyi münasibətilə silsilə tədbirlər davam edir.

Azərbaycan   xalqının Ümummilli  lideri  Heydər Əliyevin  anadan  olmasının  90 illik yubileyi  münasibətilə müvafiq tədbirlər planına  uyğun olaraq, rayonun idarə, müəssisə və təşkilatlarında, inzibati ərazi  dairəsi üzrə  nümayəndəliklərdə, ümumtəhsil  məktəblərində tədbirlərin keçirilməsi  davam edir.
Ulu öndər Heydər Əliyevin anadan olmasının 90 illik yubileyi  münasibətilə  rayon gəncləri arasında voleybol, futbol, cüdo və şahmat idman yarışlarının keçirilməsi təşkil edilmiş, ümumtəhsil  məktəblərində IX-XI sinif şagirdləri arasında “Heydər Əliyev  Azərbaycan  xalqının xilaskarıdır”, “Heydər Əliyev  müstəqil  Azərbaycanın yaradıcısıdır”,  “Heydər Əliyev  və Azərbaycan  gəncliyi” mövzusunda inşa yazı  müsabiqəsinin   və mahnı, rəsm,  bədii qiraət üzrə müsabiqələrin  keçirilməsi təmin olunmuşdur.
Eyni  zamanda  rayon  sakinlərinin  daha  sıx məskunlaşdıqları respublikanın rayon və şəhərlərində Heydər Əliyev mərkəzlərinin  ziyarət olunması təşkil edilir.  Bununla bağlı 25 aprel 2013-cü il tarixdə laçınlıların daha sıx məskunlaşdığı Ağcabədi rayonunda laçınlı gənclər Heydər Əliyev Mərkəzini ziyarət etmişlər.
Ulu öndər Heydər Əliyevin 90 illik yubileyi ilə bağlı tədbirlər rayonda davam etdirilir.