Taxtakörpü qəsəbəsində Xocalı faciəsinin 21-ci ildönümü qeyd olunmuşdur.

Xocalı  faciəsinin 21-ci ildönümü ilə bağlı müvafiq tədbirlər planına uyğun olaraq  silsilə tədbirlər  keçirilmişdir.
Fevral ayının 10-dan başlayaraq, rayonun idarə, müəssisə və təşkilatlarında,  həmçinin kənd  icra  nümayəndəliklərində,  bütün ümumtəhsil məktəblərində  Xocalı soyqırımının  iyirmi birinci  ildönümünə həsr olunmuş  tədbirlər   keçirilmiş, milli azadlıq  uğrunda  mübarizəyə  həsr olunmuş  sənədli  və bədii filmlərin  nümayişi  təşkil edilmiş, rayonun bütün tədris  müəssisələrində fevralın 25-də  Xocalı   faciəsinə  həsr  edilmiş  xüsusi  dərsin aparılması təmin olunmuşdur.
Yekun olaraq 26 fevral 2013-cü il tarixdə Rayon İcra  Hakimiyyətinin təşkilatçılığı ilə  Taxta körpü qəsəbəsində  fəaliyyət  göstərən idarə və müəssisələrin, ərazidə fəaliyyət göstərən bütün məktəblərin iştirakı ilə  “Şəhidlərin xatirə  kompleksi” nin qarşısında  geniş ümumrayon toplantısı keçirilmişdir. Əvvəlcə Xocalı faciəsi qurbanlarının xatirəsinə dualar oxunmuş, faciənın acı nəticələrini özündə əks etdirən  stendə baxış keçirilmiş, rayon sakinləri və məktəblilər Xocalı faciəsindən bəhs edən kitablarla tanış olmuşlar. “Şəhidlərin xatirə  kompleksi” ziyarət olunmuş, önünə gül dəstələri  qoyulmuşdur.
26 fevral 2013-cü il tarixdə  Bakı şəhərində Laçın rayon  ictimaiyyəti nümayəndələrinin Xətai rayonu  ərazisində Хоcаlı soyqırımı  qurbanlarının  xatirəsinə  ucaldılmış Xatirə abidəsini  ziyarət etmələri təşkil olunmuşdur.
Tədbirlər  Planına uyğun olaraq, 26 fevral  günü  saat 17:00-da rayon  sakinlərinin  məskunlaşdıqları ərazilərdə faciə qurbanlarının   xatirəsi   bir  dəqiqəlik sükutla yad edilmişdir.