Cəfər Cabbarlı adına İrəvan Dövlət Azərbaycan Dram Teatrı tərəfindən şair-dramaturq İftixar Piriyevin “Soyqırımı tarixinin dastanı” tamaşası nümayiş olunmuşdur
18 dekabr 2018-ci il tarixdə Laçın Rayon İcra Hakimiyyətinin təşəbbüsü, Cəfər Cabbarlı adına İrəvan Dövlət Azərbaycan Dram Teatrının iştirakı ilə Ağcabədi rayonunun Taxta Körpü qəsəbəsində - rayonun Şamkənd kənd uşaq musiqi məktəbində rayon məktəblilərində və gənclərdə vətənpərvərlik tərbiyəsinin aşılanması və yüksəldilməsi məqsədilə şair-dramaturq İftixar Piriyevin “Soyqırımı tarixinin dastanı” tamaşası nümayiş olunmuşdur.
Tədbiri Rayon İcra Hakimiyyəti başçısının müavini İlqar İlyasov giriş sözü ilə açaraq, “Soyqırımı tarixinin dastanı” tamaşasının ərazisi işğal altında olan bir rayonun sakinləri qarşısında nümayiş olunmasını çox təqdirəlayiq bir hal kimi qiymətləndirmişdir.
Tədbirdə Cəfər Cabbarlı adına İrəvan Dövlət Azərbaycan Dram Teatrının kollektivi şair-dramaturq İftixar Piriyevin “Soyqırımı tarixinin dastanı” tamaşası ilə çıxış ediblər. Tarixi həqiqətləri özündə əks etdirən səhnə əsəri tədbir iştirakçıları tərəfindən böyük maraqla qarşılanıb.
Sonda tədbir iştirakçılarını maraqlandıran suallar cavablandırılıb.
