Laçınlılar Dünya Azərbaycanlılarının Həmrəylik Gününü və Yeni il bayramını hərbçilərlə qeyd etdilər.
31 dekabr 2012-ci il tarixdə Laçın Rayon İcra Hakimiyyətinin təşkilatçılığı, Rayon Mədəniyyət və Turizm Şöbəsinin iştirakı ilə Dünya Azərbaycanlılarının Həmrəylik Günü və Yeni il bayramı münasibətilə Müdafiə Nazirliyinin Bakı şəhəri Biləcəri qəsəbəsində yerləşən “N”-saylı hərbi hissəsində əsgərlər qarşısında geniş bayram tədbiri keçirilmişdir. Tədbirdə hərbi vətənpərvərlik mövzusunda təşkil edilən viktorina əsgərlərdə böyük maraqla qarşılanmışdır. Viktorinada böyük maraq və həvəslə iştirak etmiş əsgərlərdən beş nəfəri qiymətli hədiyyələrlə mükafatlandırılmışdır.
Bununla yanaşı hərbi xidmətdə nümunəvi xidmətlərinə görə fərqlənən on nəfər əsgərə isə qol saatı hədiyyə edilmişdir. Sonra Rayon Mədəniyyət və Turizm Şöbəsinin özfəaliyyət ansamblının iştirakı ilə geniş bayram konserti təşkil edilmişdir. Bayram konserti əsgərlərdə yüksək bayram-əhval ruhiyyəsi yaratmışdır.
