Pambıq sahələrinin becərilməsi daim diqqət mərkəzindədir
Respublikamızda qeyri-neft sektorunun inkişafı üçün iqtisadi layihələr uğurla icra olunur, kənd təsərrüfatına yararlı torpaq sahələri yenidən əkin dövriyyəsinə qaytarılır, ən gəlirli sahə hesab olunan pamıqçılığın inkişafına xüsus önəm verilir. Ölkə Prezidenti cənab İlham Əliyevin sahibkarlığa o cümlədən kənd təsərrüfatına qayğısı nəticəsində son illər pambıqçılıq daha sürətlə inkişaf edir. Ölkədə həm dövlət dəstəyi, bütün dovlət qurumları, özəl qurumlar və ictimaiyyətin dəstəyi nəticəsində ölkə üçün ən çox gəlir gətirən sahələrdən biri olan pambıqçıq daha sürətlə inkişaf edir. Bölgələrdə aqroparkların yaradılması, yeni texnikaların, məhsuldar toxum sortlarının ölkəyə gətirilməsi, pambığın alış qiymətinin qaldırılması, istehsal olunmuş məhsul üçün əlavə subsidiya verilməsi bu sahənin inkişafı üçün stimul yaratmışdır. Cənab Prezident İlham Əliyevin bu sahənin inkişafı ilə bağlı tapşırıq və göstərişlərini ölkə vətəndaşları kimi yüksək səviyyədə qarşılayan laçınlı köçkünlər də bu təşəbbüsə ürəkdən qoşulmuş, məskunlaşdıqları Ağcabədi rayonu Taxta körpü ərazisində 101 hektar sahədə çiyid səpilmişdir. Pambıq sahələrinin vaxtında becərilməsi, suvarılması və tenika ilə təmin olunması üçün qərərgah yaradılmış, bütün qüvvələr səfərbər olunaraq pambığın becərilməsinə cəlb olunmuşdur. Kanallar lildən təmizlənmiş, su ötürücü qurğular və su nasosları təmir olunmuş, pambıq sahələri tamamilə suvarılmışdır. Sahələrdə normal bitiş alınmış, hal-hazırda kultivasiya işləri aparılır. 2017-ci ildə pambıq sahələrinin becərilməsi və məhsulun yığılması işlərinə 200 nəfərdən çöx işçi cəlb olunacaqdır ki, bu da obalarda məskunlaşan köçkünlər arasında işsizliyin azalmasına müsbət təsir göstərəcəkdir. Rayonda pambıqçılığın inkişafı, mövcud əkin sahələrindən bol məhsul əldə olunması üçün rayon rəhbərliyi tərəfindən mütəmadi tapşırıqların verilməsi və bu sahənin diqqətdə saxlanmsı fermerlərin də pambıqçılığa marağının artmasına səbəb olmuşdur. Laçın rayon İcra Hakimiyyətinin başçısı Aqil Nəzərli 31 may 2017-ci il tarixdə pambığın suvarılması, bitiş və aqrotexniki qulluq göstərilməsi vəziyyəti ilə yerində tanış olmaq məqsədi ilə rayon mütəxəssisləri ilə birlikdə pambıq sahələrinə baxış keçirmiş, fermerlərə öz tövsiyyələrini vermişdir.
