“Birləşmiş Sukanal” MMC-nin direktoru Etibar Məmmədov laçınlı köçkünlərlə görüşmüşdür.

           08 fevral 2017-ci il tarixdə  “Azərsu “ Açıq Səhmdar Cəmiyyətinin sədr müavini, “Birləşmiş Sukanal” MMC-nin direktoru Etibar Məmmədov Ağcabədi rayonu Taxta körpü ərazisində müvəqqəti məskunlaşmış laçınlı köçkünlərlə görüşmüşdür.
           Ərazidə məskunlaşan çoxsaylı rayon sakinlərinin və ictimaiyyət nümayəndələrinin iştirakı ilə keçirilən görüşdə əvvəlcə çıxış edən Laçın Rayon İcra Hakimiyyətinin başçısı  Aqil Nəzərli Azərbaycan Respublikasının Prezidenti cənab İlham Əliyevin rəhbərliyi altında respublikanın müxtəlif  Nazirlik, Komitə və digər qurumları  ilə yanaşı “Azərsu “ Açıq Səhmdar Cəmiyyəti  tərəfindən də köçkünlərə daim qayğı ilə yanaşıldığını, köçkünlərin içməli su təminatında xeyli işlər görüldüyünü, onların  üzləşdikləri müəyyən məsələlərin aradan qaldırılmasında  yaxından iştirak etdiklərini bildirərək köçkünlər adından “Azərsu “ Açıq Səhmdar Cəmiyyətinin rəhbərliyinə minnətdarlığını bildirdi.
             Görüşdə çıxış edən “Azərsu “ Açıq Səhmdar Cəmiyyətinin sədr müavini, “Birləşmiş Sukanal” MMC-nin direktoru Etibar Məmmədov son illər dünyada baş verən kəskin iqtisadi-maliyyə böhranına baxmayaraq   Azərbaycan Respublikası Prezidenti cənab İlham Əliyevin həyata keçirtdiyi düşünülmüş siyasət sayəsində ölkəmizin inkişaf tempinin qorunub saxlandığını, əhalinin rifah halının, xüsusilə qaçqın və məcburi köçkünlərin həyat şəraitinin yaxşılaşdırırılması istiqamətində xeyli işlər görüldüyünü vurğuladı. “Azərsu “ rəsmisi çıxışında Azərbaycan Respublikasının Prezidenti cənab İlham Əliyevin 2017-ci il 23 yanvar tarixli Fərmanı ilə məcburi köçkünlər və onlara bərabər tutlan şəxslər üçün vahid aylıq müavinətin müəyyən edilməsi haqqında Fərmanın əhalinin bu zümrəsinə olan  xüsusi qayğısının göstəricisi olduğunu vurğulayaraq, Fərmandan irəli gələn məsələlərlə bağlı görüləcək işlər barədə köçkünlərə ətraflı izahat verərərək  təmsil etdiyi qurum tərəfindən də  xidmət sahəsində xeyli işlər görüləcəyini bildirdi. Görüşdə “Azərsu “ Açıq Səhmdar Cəmiyyətinin sədr müavini köçkünləri maraqlandıran məsələlərlə bağlı onlara  ətraflı məlumat vermişdir.
              Görüşdə çıxış edən  laçınlı köçkünlər onlara göstərilən davamlı diqqət və qayğıya görə ölkə Prezidenti cənab İlham Əliyevə minnətdar olduqlarını, kommunal xidmətlərə görə ödənişin sadələşdirilməsində yaradılmış qaydalardan və bununla əlaqədar aparılan izahat işlərindən razı qaldıqlarını bildirdilər.