Laçın Rayon İcra Hakimiyyəti başçısının məcburi köçkünlərlə növbəti görüşü-səyyar qəbulu Tərtər rayonunda keçirildi.

20 oktyabr 2016-cı il tarixdə Laçın Rayon İcra Hakimiyyətinin başçısı Aqil Nəzərlinin Tərtər rayonunda Ələsgərli və Şıxarx kəndləri ərazisndə müvəqqəti məskunlaşmış Laçınlı məcburi köçkünlərlə görüşü-səyyar qəbulu keçirilmişdir. Tərtər rayonu Əlsgərli kəndi ərazisində müvəqqəti fəaliyyət göstərən rayonun Nərimaniyyə kənd  ümumi orta məktəbində keçirilən görüşdə Rayon İcra Hakimiyyətinin başçısı  Aqil  Nəzərli ölkə Prezidenti cənab İlham Əliyevin rəhbərliyi altında respublikamızda həyata keçirilən geniş quruculuq və abadlıq işlərindən danışaraq, ötən illərdə olduğu  kimi, 2016-cı ilin ötən dövründə də ölkəmizdə xeyli işlər görüldüyünü tədbir iştirakçılarının diqqətinə  çatdırmışdır. Bununla yanaşı o, ölkə başçısının  məcburi köçkünlərə olan diqqət və qayğısından, bu qayğının əsasının hələ Ulu öndər Heydər Əliyevin hakimiyyətdə olduğu illərdən başladığını, bu gündə İlham Əliyev  tərəfindən uğurla inkişaf etdirildiyini bildirmişdir.
Keçirilmiş səyyar qəbulda çıxış edən məcburi köçkünlər onlara göstərilən davamlı diqqət və qayğıya görə Azərbaycan dövlətinə, şəxsən Prezident cənab İlham Əliyevə öz minnətdarlıqlarını bildirmişlər. Məcburi köçkünlər əminliklə ifadə etmişlər ki, hər zaman olduğu kimi, bu gün də bütün laçınlılar Prezident İlham Əliyev cənablarının milli maraqlara söykənən daxili və xarici siyasətini, Ermənistan-Azərbaycan  Dağlıq  Qarabağ münaqişəsi istiqamətində apardığı uğurlu siyasəti və dəyişməz mövqeyini  hamılıqla bəyənir və dəstəkləyirlər.  Onlar bu siyasətin ölkəmizin ərazi bütövlüyünün bərpasına gətirib çıxaracağına qəti  əminliklərini bildirmişlər.
Səyyar qəbulda  30 nəfər iştirak etmiş, 5 nəfərin müraciəti dinlənilərək, həmin müraciətlərə baxılması üçün  aidiyyəti üzrə müvafiq  tapşırıqlar verilmişdir.
Daha sonra Laçın Rayon İcra Hakimiyyətinin başçısı Aqil Nəzərlinin Tərtər rayonunun Şıxarx kəndi ərazisində müvəqqəti məskunlaşmış rayon sakinləri ilə Tərtər rayonunun Şıxarx kənd orta məktəbində görüşü-səyyar qəbulu keçirilmişdir. Səyyar qəbulda  61 nəfər iştirak etmiş, 12 nəfərin müraciəti dinlənilərək, həmin müraciətlərə baxılması üçün  aidiyyəti üzrə müvafiq  tapşırıqlar verilmişdir.
Səyyar  qəbulda  Rayon  İcra Hakimiyyətinin  başçısı aparatının  məsul işçiləri, rayonun idarə və müəssisə rəhbərləri iştirak etmişlər.