Laçın rayonunun ümumtəhsil məktəblərinin buraxılış imtahanlarında əldə etdiyi uğurlar bütün Laçınlıları sevindirir.
Tələbə Qəbulu üzrə Dövlət Komissiyası (TQDK) 2 iyun 2015-ci il tarixdən 16 iyun 2015-ci il tarixə kimi olan müddət ərzində respublikanın bütün ümumtəhsil məktəblərində buraxılış imtahanları keçirmişdir.
2014/2015-ci tədris ilinin yekunu olaraq Laçın rayonunun ümumtəhsil məktəblərinin 9-cu sinifləri üzrə buraxılış imtahanlarında 889 nəfər şagird iştirak etmiş, 607 nəfər, yəni 68,28% hər iki fənn üzrə müvəffəq qiymət almışdır. Bu göstərici Respublika üzrə orta göstəricidən (64,62%) yüksəkdir və 66 kənd rayonu arasında 10-cu yerdədir.
2014/2015-ci tədris ilinin yekunu olaraq Laçın rayonunun ümumtəhsil məktəblərinin 11-ci sinifləri üzrə buraxılış imtahanlarında 806 nəfər şagird iştirak etmiş, onlardan 607 nəfəri, yəni 75,31% müvəffəq qiymət almışdır. Bu göstərici Respublika üzrə orta göstəricidən (64,91%) yüksəkdir və 66 kənd rayonu arasında 7-ci yerdədir.
