Laçınlı məcburi köçkünlərlə Gəncə şəhəri Hacıkənd qəsəbəsində növbəti görüş-səyyar qəbul keçirildi.

     Laçın Rayon İcra Hakimiyyətinin başçısı Akif Səlimovun vətəndaşlarla növbəti  səyyar qəbulu  07 noyabr   2014-cü il tarixdə Gəncə şəhəri ərazisində  Hacıkənd qəsəbəsində keçirilmişdir. Gəncə şəhəri  ərazisində müvəqqəti məskunlaşmış  65 nəfərdən çox rayon sakinlərinin  iştirak etdiyi  görüşdə, çıxış edən  Laçın Rayon İcra Hakimiyyətinin başçısı Akif Səlimov  cənab Prezident İlham Əliyevin rəhbərliyi ilə  məcburi köçkünlərə olan hərtərəfli  diqqət və qayğıdan ətraflı söhbət açaraq digər bölgələrdə olduğu kimi, Gəncə şəhərindədə  məcburi köçkünlər üçün yaradılmış şəraitdən danışmışdır.
      Görüş iştirakçıları onlara göstərilən diqqət və qayğıya görə ölkə başçısına  dərin minnətdarlıqlarını bildirmiş, Ali Baş Komandan cənab İlham Əliyevin rəhbərliyi altında müasir ordu quruculuğunun inkişafından razı qaldıqlarını və tezliklə yağı düşməndən ata-baba yurdlarının azad ediləcəyinə əminliklərini bildirmişlər.
    Səyyar qəbulda  7 nəfər rayon sakini onları narahat edən müxtəlif problemlərlə bağlı müraciət etmişlər. Görüşdə əsas məsələ kimi Gəncə şəhərinə yaxın ərazidə salınmış  yeni qəsəbədə əlavə iş yerlərinin açılması məsələsi qaldırılmışdır. Məcburi köçkünlər diqqətlə  dinlənlənilmiş və onların qaldırdıqları məsələlərin  həlli üçün aidiyyəti üzrə konkret tapşırılqlar verilmiş, icrası nəzarətə götürülmüşdür.
Görüş-səyyar qəbulda Azərbaycan Respublikası Prezidenti Adminstrasiyasının məsul işçisi  Aqşin Əliyev  və Rayon İcra Hakimiyyəti başçısnın müavinləri, aparatın müvafiq şöbə müdirləri iştirak etmişdir.