Azərbaycan gənclərinin VII Forumu ilə əlaqədar Laçın rayon gənclərinin ümumrayon toplantısı keçirilmişdir.

21 may 2014-cü il tarixdə  laçınlı məcburi köçkünlərin müvəqqəti məskunlaşdıqları Ağcabədi rayonu Taxtakörpü qəsəbəsində Azərbaycan gənclərinin VII Forumu ilə əlaqədar  Laçın rayon  gənclərinin ümumrayon toplantısı  keçirilmişdir.
         Toplantıdan əvvəl  çoxsaylı rayon   gəncləri  tərəfindən Ulu öndər Heydər Əliyevin  Rayon  İcra Hakimiyyətinin inzibati binası qarşısında ucaldılmış büstü  ziyarət  olunaraq,  önünə  gül dəstələri qoyulmuşdur.  Sonra tədbir Rayon İcra Hakimiyyətinin inzibati  binasının iclas zalında  davam etdirilmişdir.
        Ulu öndər Heydər Əliyevin əziz xatirəsinin bir dəqiqəlik sükutla yad olunması ilə başlayan   tədbiri   giriş sözü  ilə  Rayon Gənclər və İdman İdarəsinin müdiri Natiq Mustafayev   açıq elan etdikdən sonra, üç ildən bir keçirilən Azərbaycan gənclərinin Forumunun  əsasının məhz Ulu öndər Heydər Əliyev tərəfindən qoyulduğunu bildirməklə, Forum haqqında geniş məlumat verdi. 
Azərbaycan Respublikası Dövlət Himninin səsləndirilməsi ilə işə başlayan tədbirdə VI Forumdan keçən dövr ərzində görülmüş işlərlə bağlı Rayon Gənclər və İdman idarəsi rəisinin hesabatı dinlənilmişdir. Hesabat ətrafında çıxış edənlər ölkəmizdə və rayonda gənclərə olan diqqət və qayğıdan danışmışlar.
Bakı şəhərində keçiriləcək Azərbaycan gənclərinin VII Forumuna nümayəndələrin seçilməsi ilə davam etdirilən tədbirdə Rayon İcra Hakimiyyətinin başçısı Akif Səlimov çıxış etmişdir. Çıxışında əsası Ulu öndər Heydər Əliyev tərəfindən qoyulan, həmçinin 2003-cü ildən  Möhtərəm Prezidentimiz cənab İlham Əliyevin rəhbərliyi altında  uğurla davam etdirilən “Dövlət gənclər siyasəti”nin  ölkəmizdə  həyata keçirilməsindən danışan rayon rəhbəri, rayon gənclərinə öz tapşırıq və tövsiyyələrini vermişdir.
Tədbirin yekununda Azərbaycan Respublikasının Prezidenti cənab İlham Əliyevə rayon gənclərinin VII ümumrayon toplantısı iştirakçıları adından  müraciət qəbul olunmuşdur.