Məzunlarla “Son zəng” tədbiri keçirildi
14 iyun 2021-ci il tarixdə ölkəmizin bütün ümumtəhsil müəssisələrində olduğu kimi Laçın rayonunun ümumtəhsil müəssisələrində də 11-ci siniflərində “Son zəng” tədbiri keçirildi. Təhsil Nazirliyinin 11 iyun 2021-ci il tarixli 02-14-482/13 nömrəli əmrinə, həmçinin COVİD-19 virusu ilə bağlı karantin qaydaları tələblərinə uyğun keçirilən tədbirlərdə məktəb üzrə yalnız məzunlar olmaqla qismən pedaqoji kollektiv üzvləri və Laçın Rayon Təhsil Şöbəsinin əməkdaşları iştirak etmişlər.
2020-2021-ci tədris ilində rayon üzrə 11-ci sinfi bitirən 934 nəfər məzunun iştirakı ilə keçirilən tədbirlərdə çıxış edənlər müstəqil həyatın astanasında olan məzunlara xoş arzularını çatdırmaqla ölkəmiz üçün onların layiqli vətəndaş olacaqlarına əminliklərini bildirmiş, gələcək həyatlarında uğurlar arzulamışlar. Xoş və kövrək duyğularla keçən tədbirlər normal qaydada yekunlaşmışdır.
