Azərbaycan Respublikasının Prezidenti, Ali Baş Komandan cənab İlham Əliyevin Şuşaya səfəri

Müharibədən cəmi iki ay vaxt keçsə də,  Azərbaycan dövləti  böyük quruculuq işlərinə start verib.
Azərbaycan Respublikasının Prezidenti cənab İlham Əliyev yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin Füzuli rayonunda hava limanının təməllərini qoyub.
Qıssa müddət ərzində tikiləcəyi nəzərdə tutulan hava limanının uçuş-enmə zolağının uzunluğu 2800 metr olacaq, hava limanı beynəlxalq standartlara uyğun infrastrukturla təchiz ediləcəkdir.
Ölkə başçısı strateji əhəmiyyətli Füzuli Beynəlxalq Hava Limanının azad edilmiş bölgələrimizin inkişafı, ərazilərin bərpası, yüklərin daşınması, turizmin inkişafı üçün çox mühüm  bir layihə olacağının qeyd etmişdir.
Dövlət rəhbəri xüsusilə qeyd etmişdir ki, qonaqlar Füzuli Beynəlxalq Hava Limanına gələrək, əsası qoyulmuş  Füzuli-Şuşa dördzolaqlı və bəzi yerlərdə altızolaqlı yeni avtomobil yolu ilə  çox rahat və qısa müddətə Şuşa şəhərinə gedə biləcəklər.
Şuşaya çəkilən yol geniş və yüksək keyfiyyətli olacaqdır.
İndiki vəziyyətdə işğaldan azad olunmuş rayonlarda aeroportların inşası vacibdir, çünki insanları operativ şəkildə ora aparmağa ehtiyac yaranır.
Vaxtında Gəncə, yaxud Lənkəran, Qəbələ hava limanı tikilməsi ötən il iyul hadisələrindən sonra Azərbaycanla birgə hərbi təlimlər keçən türk hərbçilərinin və təyyarələrinin gəlməsi üçün mühüm rol oynadı.
Bununla yanaşı ölkə Prezidenti cənab İlham Əliyev azad edilmiş torpaqlarımızda ikinci beynəlxalq hava limanının Kəlbəcər və ya Laçın rayonlarının ərazisində inşa ediləcəyini bildirmişdir.
Ölkə Prezidenti cənab  İlham Əliyev bildirib ki, Böyük qayıdış başlayır, bütün işlərə start verildi.
Azərbaycan dövləti  Şuşanı və dağıdılmış bütün başqa şəhər və kəndləri, bütün tarixi abidələri bərpa edəcək. Şuşanın bərpası planlı şəkildə  aparılacaq, Pənahəli xanın şəhərinin tarixi ruhu qorunacaq.
O da xüsusilə vurğulanıb ki, Şuşa ölkə  Prezidenti cənab  İlham Əliyev tərəfindən Azərbaycanın mədəniyyət paytaxtı elan edilib.
Qeyd olunub ki, Ermənilər Şuşanın tarixi erməni şəhəri olduğunu iddia etsələr də, orda heç bir ciddi abadlıq işləri aparmayıblar, yalnız xuntanın rəhbərləri  özləri üçün villalar tikdiriblər.
Dövlət rəhbəri bildirib ki, düşməni torpaqlarımızdan qısa müddət ərzində qovduğumuz kimi Qarabağı da qısa müddətdə bərpa edəcəyik.
Şuşanın bərpası üçün  baş plan hazırlanır. Bütün binaların təftişi aparılıb.
Şuşa Azərbaycan dövlətinin mədəniyyət paytaxtı kimi dünyanın ən gözəl şəhərlərinin birinə çevriləcək.Abidələrin əsl siması özlərinə qaytarılacaq.

Azərbaycan ordusunun rəşadəti haqqında
Ali Baş Komandan qeyd edib ki, vətən müharibəsində qələbənin əldə olunduğu Noyabrın 8-nin xalqımızın tarixində əbədi qalacaqdır.
Qeyd etmişdir ki, Noyabrın 8-də qədim Şuşa şəhəri Azərbaycan hərbçilərinin böyük qəhrəmanlığı, peşəkarlığı, milli ruhu sayəsində işğaldan azad edilib.
Ölkə başçısının çıxışında xüsusilə vurğulayıb ki, düşmənə sarsıdıcı zərbələr endirərək 300-dən çox yaşayış məntəqəsini və Şuşanı azad etdik.
Beləliklə bildirilib ki, düşmən cəmi 20 gün ərzində Ağdam, Laçın və Kəlbəcər rayonlarından qoşunlarını çıxarmağa məcbur olub.
Şanlı Azərbaycan Ordusunun 44 günlük müharibəsi XXI əsrin müharibəsidirdeyə bildirən dövlət başçısı 44 günlük müharibənin hər bir gününün  zəfər günü olduğunu qeyd edib.
Azərbaycan ordusu bir gün belə geri addım atmadan yalnız irəli getdiyi, bunun dünya hərb tarixində çox nadir hallarda müşahidə edilən bir mənzərə olduğu vurğulanıb. Artıq  inkişaf etmiş ölkələrin hərbi mütəxəssislərinin  Vətən müharibəsinin hər bir gününü təhlil etdikləri bildirilib.
Ali Baş Komandan  Şuşa əməliyyatının aparıcı beynəlxalq hərbi məktəblərin dərsliklərinə salınacağını, Şuşanın işğaldan azad edilməsi düşmənə vurulan ən böyük zərbə olduğunu bildirib.
Bununla da Azərbaycan ordusu Xocalı cəlladlarını, özündən yalançı qəhrəman düzəldənləri məhv edərək ,Şuşanı Sarkisyan-Koçaryan cütlüyünün ordusunun əlindən geri alıb.
Xuntanın nümayəndələri müharibə vaxtı qaçıb gizlənmiş, sadə erməni gənclərini qırğına vermişlər.

AXC-Müsavat cütlüyünün tarixdəki mənfi rolu haqqında
Dövlət başçısı cənab İlham Əliyev 1992-ci ilin mayında o vaxtkı Azərbaycan rəhbərliyinin qətiyyətsizliyi və hakimiyyət uğrunda mübarizə aparan AXC-Müsavat cütlüyünün xəyanəti nəticəsində Şuşa işğal edildiyini bildirərək, Azərbaycan torpaqlarının itirilməsini hakimiyyət uğurunda qeyri-sağlam mübarizənin nəticəsi olduğunu bildirib. Həmçinin qeyd olunub ki, torpaqların işğal edilməsi o vaxt hakimiyyətdə olmuş AXC-nin birbaşa məsuliyyətidir.
Dövlət rəhbəri qeyd edib ki, Şuşanın, Kəlbəcərin, Laçının, bütün ətraf bölgələrin işğal edilməsi, Dağlıq Qarabağla Ermənistan arasında coğrafi bağlantı yaradılması Xalq Cəbhəsi-Müsavat hakimiyyətinin günahıdır.
AXC o vaxtkı hakim komandanı yıxıb hakimiyyətə gəlmək üçün Şuşa kimi alınmaz qalanı heç bir əməliyyat keçirmədən boşaldaraq düşmənə təslim edib.
Xalq Cəbhəsi-Müsavat hakimiyyətə gəlmək naminə satqınlıq, cinayət törədib.
Səriştəsiz kadrlardan formalaşmış AXC hakmiyyəti talançılığı dövlət siyasətinə çevirib, rüşvətxorluğu öz ideoloji prinsipi elan edib, satqınlığı, fərariliyi Azərbaycan xalqının tarixinə bir ləkə kimi yapışdırıblar deyə bildirmişdir.
Ölkə Prezidenti bildirib ki,  O vaxtkı müdafiə naziri demişdi ki, Şuşa əldən getsə, başıma güllə çaxacağam, amma qorxaqcasına Şuşadan qaçmışdı.
Qeyd olunub ki, ermənilər guya bu əməliyyat haqqında əfsanələr uydurmuşdular – dağlarda toy. Azərbaycan onlara elə toy tutdu ki, onlar bu dərsi əbədi yadda saxlayacaqlar.
Dövlət rəhbəri vurğulayıb ki, 44 günlük müharibənin gedişində  dünyanın müxtəlif geosiyasi qütblərindən edilən  təzyiq və təhdidlərə baxmayaraq, Ali Baş Komandan düşməni torpaqlarımızdan qovmaq üçün sona qədər döyüşmək əzmindən geri dönməmişdir.
Milli xəyanət nəticəsində itirilmiş müqəddəs Şuşa şəhəri ölkə Prezidenti cənab  İlham Əliyevin qətiyyəti, ordumuzun rəşadəti, xalq-ordu-iqtidar vəhdəti nəticəsində azad olunmuşdur.
Dövlət başçısı qeyd edib ki, biz buraya qalib kimi gəlmişik, bayrağı da qaldırmışıq, azad edilmiş bütün torpaqlarda Azərbaycan bayrağı dalğalanır.

Ulu öndərin tarixi missiyası
Sovet dövrünün rəsmi ideoloji basqılarına baxmayaraq Ulu Öndər Azərbaycanda milli şüurun yüksəldilməsi üçün ardıcıl addımlar atmışdır.
1920-c illərdə sovet bolşevik hakimiyyətinin Azərbaycanın daxilində tədricən partlayan mina kimi qoyduqları Dağlıq Qarabağ probleminin həlli üçün Ulu Öndər burda demoqrafik balansı azərbaycanlıların xeyrinə dəyişən tədbirlər görmüşdür.
1969-1982-ci illərdə Yevlaxdan, Ağdamdan Xankəndiyə dəmir yolu çəkilmiş, Dağlıq Qarabağda yeni müəssisələr yaradılmış və bu müəssisələrə Azərbaycanın müxtəlif yerlərindən mütəxəssislər gəlmişdi. Ulu Öndərin bu uzaqgörən siyasəti nəticəsində Dağlıq Qarabağda milli tərkib azərbaycanlıların xeyrinə xeyli dəyişmişdi.
Heydər Əliyev Azərbaycanda qalsaydı, növbəti 10 il ərzində Dağlıq Qarabağ Muxtar Vilayətində azərbaycanlılar əksəriyyət təşkil edəcəkdilər.
Ulu Öndərin uzaqgörənliyi, doğma xalqına bağlılığı, doğma ədəbiyyatına, mədəniyyətinə olan sevgisi Molla Pənah Vaqifin şərəfinə məqbərənin tikintisində də özünü göstərib.
Ölkə Prezidenti cənab  İlham Əliyev haqlı olaraq bildirib ki, xanın vəziri olan insanın şərəfinə o vaxt - sovet dövründə məqbərə ucaltmaq qeyri-adi bir hadisə idi.
Eyni zamanda bununla da Qarabağın tarixin bütün mərhələlərində azərbaycanlılara məxsus olması haqqında aydın mesaj verilirdi.
Dövlət başçısı qeyd edib ki,   Azərbaycan xalqı əsrlər boyu azadlıq, müstəqillik eşqi ilə yaşamışdır.
1982-ci ildə Heydər Əliyevi Bakıdan Moskvaya təyin etməsəydilər, burada separatizmin baş qaldırmasına imkan verməzdi.
Heydər Əliyev 1993-cü ildə xalqın tələbi ilə  hakimiyyətə gəlməsi ilə  Azərbaycan iflasdan xilas olmuş,  milli inkişafın, milli dövlətçiliyin yeni mərhələsi başlamışdır.
Ölkə Prezidenti cənab  İlham Əliyev iftixar hissi il qeyd etmişdir ki, biz xoşbəxt xalqıq ki, özümüzü müstəqil dövlət kimi təsdiq etmişik.

Qazilərə və şəhid ailələrinə göstərilən dövlət qayğısı

Dövlət başçısı cənab İlham Əliyev çıxışı zamanı bir daha  vurğulamışdır ki,
• Bütün şəhid ailələri dövlət tərəfindən qayğı ilə əhatə olunub.
• Bütün şəhid ailələrinə dövlət tərəfindən mənzillər, evlər veriləcəkdir.
• Şəhid ailələri üçün müavinət 300 manatdan 500 manata qaldırıldı və daim o ailələr diqqət mərkəzində olacaqlar.
• Birinci Qarabağ müharibəsində həlak olmuş 9 min şəhidin ailəsinə dövlət artıq mənzillər, evlər verib.
• Yaralı hərbçilərimiz dövlət tərəfindən qayğı ilə əhatə olunub.
• Əlil olmuş hərbçilərin reabilitasiyası, onların müasir protezlərlə təmin edilməsi məsələsi öz həllini tapacaq.
• İkinci Qarabağ müharibəsində Qələbə münasibətilə yeni orden və medallar təsis edilərək Prezident tərəfindən müharibədə qəhrəmanlıq göstərmiş minlərlə hərbçilər təltif edilib.

Ölkə Prezidenti cənab  İlham Əliyev, bu müharibəni şəhidlərimizin canı, qanı hesabına,  hərbçilərimizin şücaəti hesabına qazanmışıq deyə bildirib.

Söz və əməlin vəhdəti
Ölkə Prezidenti cənab  İlham Əliyev həmişə çıxışlarında “mənim sözüm imzam qədər qüvvətlidir”-deyir. Şuşa səfəri Milli Liderin sözünün və əməlinin vəhdətinin növbəti nümayişi oldu.
Prezident 2010-cu  noyabrın 1-də Bakıda möhtəşəm Dövlət Bayrağı Meydanı açılışında çıxış edərkən demişdi ki, gün gələcək və Azərbaycan bayrağı işğal edilmiş torpaqlarda, o cümlədən Şuşada qaldırılacaqdır.
Sevindirici haldır ki, 2021-ci ilin yanvarın 14-ü həmin vəd yerinə yetirildi. Azərbaycan Prezidenti, Müzəffər Ali Baş Komandan cənab İlham Əliyev Şuşa şəhərində üçrəngli bayrağımızı qaldırdı.
Separatçı rejiminin nümayəndələri o vaxt demişdilər ki, ancaq bir halda Azərbaycan bayrağı Şuşada qaldırıla bilər, o da əgər Azərbaycan “Dağlıq Qarabağ respublikası”nı tanıyıb Dağlıq Qarabağda öz səfirliyini açsa.
Ali Baş Komandanın rəhbərliyi altında Azərbaycna ordusunun parlaq zəfəri bu  iyrənc,  təkəbbürlü ifadələrin sahiblərini qorxaqcasına susmağa məcbur etdi.
Ölkə Prezidenti cənab İlham Əliyev çıxışlarının birində demişdi ki, ərazi bütövlüyümüz bərpa ediləndən sonra Bülbülün, Natəvanın, Üzeyir Hacıbəylinin büstləri yenə də Şuşada qoyulacaq.
Bu sözlər də artıq reallığa çevrilib. Həmin dahi şəxsiyyətlərin büstləri Şuşada yenidən əvvəlki yerlərinə qoyulub.
Azərbaycan dövlət başçısı, Ali Baş Komandan  cənab İlham Əliyevin rəhbərliyi altında  güc, əzm, iradə, cəsarət, mətanət, milli ruh hesabına tarixi ədaləti bərpa etdi.
Azərbaycan ancaq öz gücü hesabına öz torpaqlarını azad etməli idi və bunu etdi.
Dövlət rəhbəri, biz bu müharibəyə hazırlaşırdıq və bunu gizlətmirdik.
Düşmən qabağımızda diz çökməyə, kapitulyasiya aktına imza atmağa məcbur olmuşdur.
Ali Baş Komandan cənab  İlham Əliyev qeyd etmişdir ki, alçaldıcı kapitulyasiya aktı tarixdə əbədi qalacaq.

Səfərin mesajları
Azərbaycan Prezidenti İlham Əliyevin ailə üzvləri ilə birlikdə Şuşaya səfəri tarixi, eyni zamanda daxili və xarici auditoriyalara zəngin mesajlar ehtiva edən bir səfər idi.
Belə ki, müstəqillik tariximizdə ilk dəfə olaraq Azərbaycanın dövlət başçısı Şuşaya getmişdir.
Ölkə Prezidenti cənab  İlham Əliyev, birinci xanım Mehriban Əliyeva və qızları Leyla Əliyevanın ziyarət etdikləri obyektlərin hamısı-Şuşa Realnı məktəbi, Yuxarı Gövhərağa, Aşağı Gövhərağa, Saatlı məscidləri, Qazançı kilsəsi, Bülbülün ev muzeyi, Vaqifin türbəsi, Cıdır tarixi dəyər daşıyır, şəhərin tarixin bütün mərhələlərində Azərbaycan xalqına məxsusluğunu simvolizə edir.
Ölkə Prezidenti cənab  İlham Əliyev , birinci xanım Mehriban Əliyeva və qızları Leyla Əliyeva Şuşadakı Saatlı, Aşağı Gövhərağa, Yuxarı Gövhərağa məscidlərini ziyarət edərək məscidlərə Məkkədən gətirilmiş “Qurani-Şərif” kitabları  hədiyyə verib, dualar ediblər.
Şuşanın işğalı zamanı güllələnmiş və sonradan Bakıya gətirilmiş Azərbaycanın 3 dahi şəxsiyyəti - Üzeyir Hacıbəyli, Bülbül və Natəvanın heykəlləri Şuşaya qaytarılıb.
Güllələnmiş büstlər erməni vandalizminin şahidləridir.
Dövlət rəhbəri qeyd edib ki, dahi şəxsiyyətlərimizin büstləri bizim Qələbəmizin rəmzidir. Onların ruhu şaddır. Onlar doğma Vətənə qayıdıblar. Natəvan, Üzeyir bəy, Bülbül milli ruhumuzun təcəssümüdür.
Milli ruhumuzun təcəssümü olan şəxsiyyətlərin, xüsusən Üzeyir bəyin büstünün Qafqazın incisi, mədəniyyətimizin beşiyi olan Şuşaya qaytarılması yeni milli mədəni intibahımızın rəmzi olacaqdır.
Vətən müharibəsindəki möhtəşəm Zəfərlə yeni doğuluşunu yaşayan azərbaycanlı etnosunu isə mütləq yeni mədəni intibah gözləyir.
Ölkə Prezidenti cənab  İlham Əliyev  avtomobil sürərkən Xocavənd rayonunun Böyük Tağlar kəndinin ərazisini nümayiş etdirir. Bəllidir ki, bir müddət əvvəl burda erməni diversantları böyük təxribat törətmiş, xüsusi əməliyyatdan sonra çoxsaylı diversantlar ələ keçirilmişdi. Moskva görüşü ərəfəsi Ermənistan baş naziri onların azad olunmasını şərt kimi irəli sürsə də, Azərbaycan bu tələbi rədd etmişdi.
Xocalı rayonun Sığnaq kəndindən keçərkən isə Azərbaycan, Türkiyə bayraqları və yolu inşa edən Türkiyənin “Kolin” şirkətinin bayrağı nümayiş olunur. Bu, keçmiş Dağlıq Qarabağın inzibati ərazisi  olmuş yerlərə Türkiyə və Azərbaycanın birgə daxil olmasının rəmzidir.
Paşinyan və ailə üzvləri, daha əvvəllər isə Sarksiyan, Koçaryan  və digər xunta üzvləri Şuşaya hərbi əsirləri işkəncə etmək, büst oğurlamaq, talan üçün gəlirdisə, Azərbaycan rəhbərliyi quruculuq üçün gedir. 
Həm məscid, həm kilsəni ziyarət etməklə Prezident dünyaya tolerantlıq, gələcək birgəyaşayışın mümkünlüyü barədə mesajlar verdi.
Ölkə Prezidenti cənab  İlham Əliyev qeyd edib ki,  Biz bütün dinlərin məbədlərini qoruyuruq və qoruyacağıq. Dövlət başçısı düşmənin  bizim azad edilmiş torpaqlardakı dini abidələrimizi işğal dövründə məhv ediyini,  67 məscidi dağıdıb, yaxud da ki, yararsız vəziyyətə saldığını bildirib.
Heydər Əliyev Fondu  tərəfindən  bütün tarixi-dini abidələrimiz, o cümlədən Şuşadakı məscidlər əsaslı təmir və bərpa olunacaqdır deyə bildirmişdir.
1982-ci ilin 14 yanvar tarixində Heydər Əliyev Şuşada Molla Pənah Vaqifin məqbərəsinin açılışında iştirak etmişdi. Həmin vaxt İlham Əliyev də orada idi: 39 il sonra o, yenidən Şuşaya qayıtdı.
Prezident 39  il əvvəlki səfərdə çəkilmiş fotonu əlində tutaraq yenidən eyni yerdə kamera önünə keçərək Ulu Öndərin Şuşayla bağlı vəsiyyətini, yarımçıq qalmış arzularını yerinə yetirdiyini, siyasi irsə sahib çıxıdğını göstərir.
Ölkə Prezidenti cənab  İlham Əliyev qeyd edib ki,  Şuşanı görmək, Şuşaya qayıtmaq təkrarolunmaz bir hissdir.
Vaqifin məqbərəsinin açılış günü səfər etməklə yalnız mədəniyyətimizə deyil, siyasi ənənələrimizdə varislik, ardıcıllıq mesajı verildi.
Azərbaycan Respublikasının Prezidenti cənab İlham Əliyev 8 noyabrda Şuşanı Azərbaycana qaytarmışdı, yanvarın 14-də isə Azərbaycanı Şuşaya qaytardı.
Bu il Şuşada Vaqif Poeziya Günləri və “Xarı bülbül” festivalı keçiriləcək.
Şuşada muğam dinləniləcək, beynəlxalq muğam festivalı keçirələcək.
Dövlət başçısı, Cıdır düzündə bundan sonra muğam səsi eşidiləcəyini, Azərbaycan mahnıları ifa olunacağını,  böyük tədbirlər keçiriləcəyini bildirdi. Artıq Şuşanı erməniləşdirmə cəhdlərinə son qoyulub.
Eyni zamanda Moskva səfərindən sonra Prezidentin Şuşaya səfəri Qarabağın sahibinin kim olması mesajını da ehtiva edir.
Ölkə rəhbəri, Şuşanın əsl sahibləri qayıdıb, biz qayıtmışıq. Şuşa bizimdir! Qarabağ Azərbaycandır!
Səfər  barədə Birinci vitse-prezident Mehriban xanım Əliyevanın paylaşımları qısa zamanda  sosial şəbəkələrdə aparıcı trendə çevrildi. Bununla mesaj verildi ki, ölkənin ali siyasi elitasının səfərləri önündə təhlükəsizlik baxımından heç bir narahatlıq yoxdur.
Dövlət başçısı qeyd edib ki, 39 ildən sonra Şuşaya düşmənin belini qıran müzəffər, qalib Ordunun Ali Baş Komandanı kimi gəlmişəm və burada müqəddəs bayrağın altında, qəhrəman hərbçilərin önündə deyirəm ki, biz bu torpaqlarda əbədi yaşayacağıq!
Qarabağın nə statusu, nə parlamenti, nə perspektivi, nə də gücü yoxdur.
Ölkə rəhbəri bildirib ki, onlar qondarma “Dağlıq Qarabağ respublikası”nın “parlamentini” Şuşa şəhərinə köçürəcəkdilər. Bu torpağın sahibləri gəldi, onları buradan qovdu və beləliklə, onların bu çirkin əməlləri həyata keçmədi. “Parlament” də, status da gorbagor oldu, cəhənnəmə getdi.
Azərbaycan şəhərlərinə, tarixi abidələrinə qarşı vandalizm aktlarını törədənlər   Sarkisyan-Koçaryan cütlüyüdür deyə bildirilmişdir.
Dövlət başçısı qeyd edib ki, Koçaryan-Sarkisyan, mən müzəffər Ordunun Baş Komandanı kimi gəlmişəm və öz torpağımda durmuşam. Sizin iziniz də, tozunuz da rədd olub buradan və bir daha olmayacaq, heç vaxt olmayacaq.

Ölkə Prezidenti cənab İlham Əliyevin Şuşa şəhərinə tarixi səfəri zamanı etdiyi çıxışlarda qondarma rejimin və Ermənistanın müharibə vaxtı qaçıb gizlənmiş, sonradan üzə çıxmış bəzi “siyasi liderlərinə” də sərt xəbərdarlıq edildi:
• Dağlıq Qarabağda özünü siyasətçi adlandıran bəzi ünsürlər Azərbaycanın səbri ilə oynamasın, 44 günlük müharibə onların yadından çıxmasın.
• Yoxsa ordu qurub torpaqları geri alacaq? Siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik.
• Əgər kimsə revanş haqqında düşünürsə, o, bizim dəmir yumruğumuzu bir daha görəcək.
• Azərbaycanın dəmir yumruğu düşmənin belini qırıb, lazım olarsa, bir daha qırar.

Cıdır düzündə Yeravandan gələn dəstə sərxoş vəziyyətdə eybəcər rəqslər edirdilərsə, oranın əsl sahibi olan azərbaycanlılar Ali Baş Komandanın timsalında azərbaycansayağı çay dəstgahı ilə cavab verdilər.
Ölkə Prezidenti cənab  İlham Əliyev bildirib ki,  Şuşanı Cıdır düzüsüz təsəvvür etmək mümkün deyil, Azərbaycanı isə Şuşasız təsəvvür etmək mümkün deyil. İndi Cıdır düzü də, Şuşa da, Qarabağ da azaddır.

Kənar qüvvələrə də açıq xəbərdarlıq edilir:
-Biz buraya qalib kimi gəlmişik, bayrağı da qaldırmışıq, azad edilmiş bütün torpaqlarda Azərbaycan bayrağı dalğalanır. Döyüşə-döyüşə gəlmişik. Heç kim bu torpaqları bizə elə-belə verməyib kimi ifadəsi də bütün xalqımız kimi laçılılar tərəfindəndə sevinc və qürurla qarşılanıb.
Prezidentin çıxışı zamanı  xüsusi təyinatlıların adını da təsadüfən çəkilmədi. Şuşanı ağlasığmaz əməliyyatla azad edən bu qüvvələr erməni ordusunun kabusuna çevrilib və dövlət başçısı Ermənistana xəbərdarlıq edərkən onların adını çəkməklə təxribatlara qarşı veriləcək cavabın miqyasını göstərir.
Dövlət başçısı xüsusilə qeyd edib ki,  Azərbaycanı silahlı qüvvələri, qəhrəman övladları,xüsusi təyinatlılar, Şuşanı qoruyacaqlar ki, düşmən heç bu tərəfə baxmağa özündə cəsarət tapmasın.
Ölkə Prezidenti cənab  İlham Əliyev bildirib ki,  Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik!  Şuşa bizimdir! Qarabağ Azərbaycandır!
Şuşa ayaqdadır, Şuşa sınmayıb, Şuşa əyilməyib! Mənfur düşmən nə qədər çalışsa da, Şuşanın simasını dəyişdirə bilməyib.
Dövlət başçısı bildirib ki, biz Şuşanın bütün yaralarını sağaldacağıq. Şuşa dünyanın ən gözəl şəhərlərindən birinə çevriləcək.

Ölkə Prezidenti cənab İlham Əliyevin   çıxışında Ermənistanla dostluq edən müsəlman ölkələrinə mesajlar:
• Ermənistan vandalizmi, irqçiliyi, etnik-dini dözümsüzlüyü dövlət siyasətinə çevirmiş  islamofob ölkədir, məscidləri, dini abidələri, məscidlərin minarələrini dağıdıb, viranə qoyub, müqəddəs məbədləri təhqir edib, donuz saxlayıb,  üzərində təhqiramiz ifadələr yazdırıb.
• Müsəlman dini abidələrini təhqir edən Ermənistan müsəlman ölkələri üçün dost ola bilməz.
• Ermənistanla dostluq edən müsəlman ölkələrin liderləri öz xalqlarına cavab verməlidir.
• Ermənistanı dost ölkə kimi qəbul etmək riyakarlıqdır, Allahsızlıqdır. 
Bir müsəlman ölkəsinin mütəxəssisləri Azərbaycanın icazəsi olmadan, qanunsuz olaraq torpaqlarımıza gəlib, orada aylarla oturub, Ermənistanın kriminal xunta rejimi ilə əlbir olub bu məscidi guya təmir ediblər.
Dövlət başçısı bildirib ki,  Yuxarı Gövhərağa məscidininin Ermənistan tərəfindən“təmiri” riyakarlıq rəmzidir.

İlham Əliyev dövrünün yeni nəsli
Adətən, bir ölkənin tarixində yeni dövr, yeni mərhələ yarada bilmiş liderlərin ardıcılları haqqında “onun yetişdirdiyi xalq” ifadəsi işlənir. Milli Lider İlham Əliyevin hakimiyyətdə olduğu son illərdə vətənpərvər, güclü, milli ruhda tərbiyə almış gənc nəsil yetişib.
Bütün nəsillərdən olan vətəndaşlarımızın Qələbədə böyük zəhməti, payı var.
Ancaq əsas yükü, əsas vəzifəni gənc nəsil yerinə yetirdi. Döyüşdə qəhrəmanlıq göstərən, öz şücaətləri ilə dünya hərbi ekspertlərini heyrətə salan əsgər, MAXE və zabitlərin çoxu ali təhsilini, orta təhsilini, hətta bir çox hallarda məktəbəqədər təhsilini İlham Əliyevin hakimiyyəti illərində alaraq vətənpərvər kimi yetişmiş 18-35 yaşlı gənclər idi.
Ölkə Prezidenti cənab  İlham Əliyev qeyd edib ki, Vətən sevgisi bizi Qələbəyə gətirdi. Vətən sevgisi, vətənpərvərlik Qələbəmizin əsas amilinə çevrildi.
Dövlət başçısı,  2003-cü ildə 10 yaşı, 15 yaşı olanların məhz vətənpərvərlik ruhunda tərbiyə alması, düşmənə nifrət hissi bizi Qələbəyə apardı və Azərbaycan tarixi ədaləti bərpa etdi.
Ölkə rəhbəri çıxışında bildirib ki, gənc nəsil, yaşlı nəsil, təcrübəli insanlar, bütün xalqımız, bütün etnik qrupların nümayəndələri, bütün dinlərin nümayəndələri bir yumruqtək birləşib.Qələbəmizin rəmzi olan yumruq həm güc, həm də birlikdir. Azərbaycan bundan sonra daha da güclü olacaq.
Dövlət başçısı qeyd edib ki, birliyi olan ölkələr qələbə qazanırlar. İradəli, heç nəyə baxmayan, heç kimdən çəkinməyən, milli maraqları müdafiə edən liderlər qələbə qazanırlar. Azərbaycanın timsalında bunu hər kəs gördü.
Azərbaycanın davası haqq davasıdır. Ermənistanın davası işğalçılıq davasıdır.
Dövlət rəhbəri qeyd edib ki, haqq-ədalət  güc, iradə, siyasət, birlik hesabın Azərbaycan xalqı zəfər çaldı! Eşq olsun Azərbaycan xalqına! Yaşasın Azərbaycan!
Ölkə Prezidenti cənab  İlham Əliyev bir daha qətiyyətlə qeyd edib ki, Azərbaycan xalqı Şuşada bundan sonra əbədi yaşayacaq. Şuşa bizimdir! Qarabağ Azərbaycandır!