Şriftin ölçüsü :

Saytın rəngi :

Laçın Rayonu İcra Hakimiyyətinin başçısı Aqil Nəzərlinin növbəti görüş-səyyar qəbul Sumqayıt şəhərində keçirilmişdir.

30 noyabr 2018 | 16:00

       2018-ci il 30 noyabr tarixdə Laçın Rayonu İcra Hakimiyyətinin başçısı Aqil Nəzərlinin Sumqayıt şəhərinin 5 nömrəli Mənzil İstismar Sahəsinin binasında ərazidəki laçınlı məcburi köçkünlərlə görüşü-səyyar qəbulu keçirilmişdir. 82 nəfər laçınlı məcburi köçkünün qatıldığı görüş-səyyar qəbulda  Azərbaycan Respublikası Prezidenti Administrasiyasının Ərazi-təşkilat məsələləri şöbəsinin sektor müdiri Ağa-Əli Əhmədov iştirak etmişdir.
     Görüşdə çıxış edən Laçın Rayonu İcra Hakimiyyətinin başçısı Aqil Nəzərli son  illər ərzində ölkə Prezidenti cənab İlham Əliyevin rəhbərliyi ilə dövlətimizin böyük bir inkişaf yolu keçdiyini, ölkə iqtisadiyyatının sürətlə inkişaf etdiyini, bununla yanaşı  ölkə iqtisadiyyatının əsas prioritet sahələrdən biri kimi kənd təsərrüfatının inkişafında  1.7 dəfə artıma nail olunması ilə ölkəmizdə  qeyri-neft ixracatının  4.1 dəfə artmasını vurğulayan rayon rəhbəri  son 15 ildə  Azərbaycanın valyuta ehtiyatlarının  ilbəil yüksələrək 2018-ci ildə 45 milyard dollara çatılmasını ölkə başçısının uzaqgörən iqtisadi siyasətinin nəticəsi olduğunu bildirdi.
     Rayon rəhbəri çıxışında xüsusilə onu da vurğuladı ki, ölkə Prezidenti cənab İlham Əliyevin rəhbərliyi ilə son illər  məcburi köçkünlərin  mənzil-məişət şəraitinin yaxşılaşdırılması ilə bağlı xeyli işlər görülmüş, 90-dan artıq müasir yaşayış kompleksləri və qəsəbələrin salındığını, digər  köçkünlərlə yanaşı  yüzlərlə laçınlı məcburi köçkün ailəsinin yeni mənzillərlə təmin edilmişdir. Rayon İcra Hakimiyyəti başçısı çıxışında Ali Baş Komandan cənab İlham Əliyevin  ordu quruculuğu istiqamətində görülən işləri, diplomatiya sahəsindəki uğurları qeyd edərək erməni işğalında olan torpaqlarımızın da  tezliklə azad ediləcəyinə əminliyini vurğuladı.

    Səyyar qəbulda 23 nəfər məcburi köçkünün müraciəti dinlənilmiş, həmin müraciətlərə baxılması üçün  aidiyyəti idarə, müəssisə rəhbərlərinə konkret tapşırıqlar verilərək icrası nəzarətə götürülmüşdür.
     Qəbulda Laçın Rayonu İcra Hakimiyyəti başçısının müavinləri, aparatın məsul işçiləri, idarə, müəssisə rəhbərləri, həmçinin müvafiq inzibati ərazi dairəsi üzrə nümayəndəliklərin əməkdaşları  iştirak etmişlər.
     Səyyar qəbulda iştirak edən rayon sakinləri təşkil edilmiş görüşə və onların müraciətlərinə həssaslıqla yanaşdığına görə Laçın Rayonu İcra Hakimiyyəti başçısı Aqil Nəzərliyə  öz minnətdarlıqlarını bildirmişlər.

Keçidlər