Laçın Rayon İcra Hakimiyyətinin başçısı Aqil Nəzərlinin Bakı şəhəri, Qaradağ rayonu “Qobu Park” yaşayış kompleksində müvəqqəti məskunlaşmış laçınlı məcburi köçkünlərlə görüşü-səyyar qəbulu keçirilmişdir
2018-ci il 26 oktyabr tarixdə Laçın Rayon İcra Hakimiyyətinin başçısı Aqil Nəzərlinin Qaradağ rayonu ərazisindəki “Qobu Park” yaşayış kompleksində müvəqqəti məskunlaşmış laçınlı məcburi köçkünlərlə ərazidəki 29 nömrəli Laçın tam orta məktəbinin binasında görüşü-səyyar qəbulu keçirilmişdir. Görüş səyyar qəbulda 105 nəfər laçınlı məcburi köçkün iştirak etmişdir.
Görüşdə çıxış edən Laçın Rayonu İcra Hakimiyyətinin başçısı Aqil Nəzərli son 15 il ərzində ölkə Prezidenti cənab İlham Əliyevin rəhbərliyi ilə dövlətimizin böyük bir inkişaf yolu keçdiyini, iqtisadiyyatın 3.2 dəfə, qeyri-neft iqtisadiyyatının 2.8 dəfə, sənayedə isə artımın 2.6 dəfəyə çatdığını bildirdi. Bununla yanaşı ölkə iqtisadiyyatının əsas prioritet sahələrdən biri kimi kənd təsərrüfatının inkişafında 1.7 dəfə artıma nail olunması ilə ölkəmizdə son 15 il ərzində qeyri-neft ixracatının 4.1 dəfə artmasını vurğulayan rayon rəhbəri 2003-cü ildə Azərbaycanın valyuta ehtiyatlarının 1.8 milyard dollar təşkil etdiyi bildirməklə hazırda bu rəqəmin 45 milyard dollara çatılmasını ölkə başçısının uaqgörən iqtisadi siyasətinin nəticəsi olduğunu bildirdi.
Rayon rəhbəri çıxışında xüsusilə onu da vurğuladı ki, ölkə Prezidenti cənab İlham Əliyevin rəhbərliyi ilə son illər məcburi köçkünlərin mənzil-məişət şəraitinin yaxşılaşdırılması ilə bağlı xeyli işlər görülmüş, 90-dan artıq müasir yaşayış kompleksləri və qəsəbələrin salındığını, digər köçkünlərlə yanaşı yüzlərlə laçınlı məcburi köçkün ailəsinin yeni mənzillərlə təmin edildiyini, “Qobu Park” yaşayış kompleksində isə 121 ailə olmaqla 418 nəfər laçınlı köçkün ailəsinin mənzillə təmin edilməsini minnətdarlıqla qeyd edərək laçınlılar adından ölkə başçısına təşəkkürünü bildirməklə, bu sahədə işlərin davam etdiriləcəyini də köçkünlərin nəzərinə çatdırdı. Rayon İcra Hakimiyyəti başçısı çıxışında Ali Baş Komandan cənab İlham Əliyevin ordu quruculuğu istiqamətində görülən işləri, diplomatiya sahəsindəki uğurları qeyd edərək erməni işğalında olan torpaqlarımızın da tezliklə azad ediləcəyinə əminliyini vurğuladı.
Səyyar qəbulda 18 nəfər məcburi köçkünün müraciəti dinlənilmiş, həmin müraciətlərə baxılması üçün aidiyyəti idarə, müəssisə rəhbərlərinə konkret tapşırıqlar verilərək icrası nəzarətə götürülmüşdür. Qəbulda Laçın Rayonu İcra Hakimiyyəti başçısının müavinləri, aparatın məsul işçiləri, idarə, müəssisə rəhbərləri həmçinin müvafiq inzibati ərazi dairəsi üzrə nümayəndəliklərin əməkdaşları iştirak etmişlər.
Səyyar qəbulda iştirak edən rayon sakinləri təşkil edilmiş görüşə və onların müraciətlərinə həssaslıqla yanaşdığına görə Laçın Rayonu İcra Hakimiyyəti başçısı Aqil Nəzərliyə öz minnətdarlıqlarını bildirmişlər.
