Şriftin ölçüsü :

Saytın rəngi :

Laçın rayon sakinləri “Su təsərrüfatı və meliorasiya işçiləri günü”nü qeyd etdilər.

05 iyun 2017 | 16:00

05 iyun 2017-ci il tarixdə Laçın rayonundan olan məcburi köçkünlərin müvəqqəti məskunlaşdıqları Ağcabədi rayonunun Taxtakörpü qəsəbəsində “Su təsərrüfatı və meliorasiya işçiləri günü” münasibətilə tədbir keçirilmişdir.
Tədbirdə Rayon Suvarma Sistemləri İdarəsinin və Rayon Sukanal idarəsinin əməkdaşları  iştirak etmişlər.
Tədbirdən əvvəl rayon rəhbərliyi və tədbir iştirakçıları Ulu Öndər Heydər Əliyevin Rayon İcra Hakimiyyətinin inzibati binası qarşısındakı büstü önünə gül dəstələri qoyaraq ümummilli liderin xatirəsinə hörmət və ehtiramlarını bildirdilər.
Sonra Rayon İcra Hakimiyyətinin başçısı Aqil Nəzərli Rayon Suvarma Sistemləri İdarəsinin və Sukanal idarəsinin əməkdaşlarını “Su təsərrüfatı və meliorasiya işçiləri günü” münasibətilə təbrik edərək, Ümummilli liderimiz Heydər Əliyevin ölkəmizdə bütün sahələrlə yanaşı meliorasiya və su təsərrüfatı sisteminin də inkişafına daim böyük diqqət və qayğı göstərdiyini qeyd etmiş, “Su təsərrüfatı və meliorasiya işçiləri günü”nün qeyd edilməsi ilə bağlı ölkə Prezidenti tərəfindən imzalanmış sərəncamın əhəmiyyətini iştirakçıların diqqətinə çatdırmış, rayonda bu sahədə görülən işlər haqqında tədbir iştirakçılarına məlumat verərək, əmək kollektivi üzvlərinə gələcək fəaliyyətlərində yeni-yeni uğurlar arzulamışdır.
Tədbirdə çıxış edənlər onlara göstərilən diqqət və qayğıya görə Ölkə Prezidentinə minnətdarlıqlarını bildirərək, bundan sonra da üzərlərinə düşəcək vəzifənin öhdəsindən layiqincə gələcəklərini qeyd etdilər.

 

Keçidlər