Vətəndaşların növbəti qəbulu keçirildi

24 may 2017-ci il tarixdə Laçın Rayon İcra Hakimiyyətinin  inzibati binasında  Rayon İcra Hakimiyyətinin başçısı Aqil Nəzərli tərəfindən vətəndaşların növbəti qəbulu  keçirildi.
    Qəbulla bağlı qeydiyyata alınmış  19 nəfər rayon sakini  ardıcıllıqla fərdi qaydada qəbul edildi. Qəbulla bağlı müraciət edənlərdən 2-si həmkəndliləri ilə aralarında yaranmış torpaq mübahisəsinin həllinə köməklik edilməsini, 3 nəfəri işlə təminolunma barədə, 1 nəfəri təsərrüfatına dəymiş ziyanla bağlı köməklik göstərilməsi,  2 nəfəri mənzil şəraitinin yaxşılaşdırılması, 8 nəfəri isə  ailə vəziyyəti ilə bağlı onlara maddi köməklik olunmasını və digər məsələlərlə bağlı müraciətlərin bildirdilər. Vətəndaşların  müraciətləri  dinlənilərək həlli mümkün məsələlərlə bağlı aidiyyəti üzrə yerindəcə  tapşırıq verilərək, icrası nəzarətə götürüldü. Eyni zamanda müraciətlərdə həlli rayon səviyyəsində mümkün olmayan məsələlərlə bağlı   vətəndaşlara lazımi  izahat və  istiqamət verildi.
    Qəbulda  rayonun idarə, müəssisə və təşkilat rəhbərləri, kənd inzibati ərazi dairəsi üzrə nümayəndələr, həmçinin Rayon İcra Hakimiyyəti başçısı aparatının məsul əməkdaşları  iştirak etdilər. Sakinlər onların müraciətlərinə diqqətlə yanaşıldığına və müvafiq qaydada köməklik olunduğuna görə rayon rəhbərliyinə təşşəkkürlərini bildirdilər.