Laçınlı II Dünya Müharibəsi iştirakçıları ilə fərdi görüş keçirilmişdir.

09 may 2017-ci il tarixdə  II Dünya müharibəsində faşizm üzərində Qələbənin 72-ci ildönümü münasibəti ilə laçınlı  veteranlarla yerlərdə fərdi  görüş keçirilmişdir. Laçın Rayon İcra Hakimiyyətinin təşkilatçılığı ilə aparatın məsul əməkdaşları  rayon üzrə II dünya müharibəsi iştirakçıları ilə onların  məskunlaşdıqları ünvanlarda görüşərək, Qələbənin 72-ci ildönümü münasibəri ilə onları təbrik etmiş ən xoş arzularını çatdırmışlar. Görüş zamanı qeyd olunmuşdur ki,  Böyük Vətən müharibəsinin iştirakçıları, həmin illərdə arxa cəbhədə çalışanlar arasında  sağ qalanlar – o günlərin canlı şahidləri bu gün hər birimiz üçün əzizdir.
Bildirilmişdir ki, Azərbaycan xalqı bu gün də öz keçmişi, xüsusi ilə müharibədəki iştirakı dövrü ilə fəxr edir. Müharibə veteranları xalqımızın ən əziz və hörmətli üzvləri olmuşlar. Ulu öndər Heydər Əliyev daim onlara xüsusi qayğı və diqqət göstərmiş, onların problemləri ilə yaxından maraqlanmışdır. Xüsusilə vurğulanmışdır ki, «Azərbaycanın bütün ictimaiyyəti, bütün Azərbaycan xalqı bilməlidir ki, II Dünya müharibəsinin, Böyük Vətən müharibəsinin veteranları bizim ən əziz və ən mötəbər insanlarımızdır».
kimi qiymətləndirən Ulu öndərin  layiqli davamçısı, Azərbaycan Respublikası Prezidenti cənab  İlham Əliyevin həyata keçirdiyi mühüm əhəmiyyətili tədbirlər hesabına müharibə veteranlarının sosial müdafiəsi daha da yaxşılaşır.   Qələbənin 72 illiyi ərəfəsində ölkə başçısı cənab İlham Əliyevin   sərəncamı ilə   ilə 1941-1945-ci illər müharibəsi iştirakçılarına, həlak olmuş və ya sonradan vəfat etmiş döyüşçülərin dul arvadlarına, arxa cəbhədə fədakar əməyə görə orden və medallrala təltif olunmuş şəxslərə birdəfəlik maddi yardım verilməsi, veteranlara olan digər qayğılar ölkə rəhbərliyinin veteranlara olan qayğısının bariz nümunəsidir.

Görüş zamanı veteranlar öz xatirələrindən soz açmış, onlara göstərilin diqqət və qayğıya görə ölkə rəhbərliyinə minnətdarlıqlarını bildirmişlər.
Sonda  veteranlara  Rayon İcra Hakimiyyəti tərəfindən  göstərilən  maddi yadım onlara təqdim olunmuşdur.