Vətəndaşların növbəti qəbulu keçirildi

10 may 2017-ci il tarixdə Laçın Rayon İcra Hakimiyyətinin  inzibati binasında  Rayon İcra Hakimiyyətinin başçısı Aqil Nəzərli tərəfindən vətəndaşların növbəti qəbulu  keçirildi.
     Qəbuldan əvvəl   rayon rəhbərliyi, ictimaiyyəti nümayəndələri və qəsəbə sakinləri ulu öndər Heydər Əliyevin anadan olmasının 94-cü ildönümü münasibəti ilə Rayon İcra Hakimiyyətinin qarşısında  ucaldılmış büstünü ziyarət edərək büstün  önünə tər gül dəstələri düzmüşlər. Sonra qəbulla bağlı qeydiyyata alınmış  25 nəfər rayon sakini  ardıcıllıqla fərdi qaydada qəbul edildi. Qəbulla bağlı müraciət edənlərdən 4-ü həmkəndliləri ilə aralarında yaranmış torpaq mübahisəsinin həllinə köməklik edilməsini, 8 nəfəri işlə təminolunma barədə, 3 nəfəri təsərrüfat suyu çəkilişinə köməklik göstərilməsi,  4 nəfəri mənzil şəraitinin yaxşılaşdırılması, 6 nəfəri isə  ailə vəziyyəti ilə bağlı onlara maddi köməklik olunmasını bildirdilər. Vətəndaşların  müraciətləri  dinlənilərək həlli mümkün məsələlərlə bağlı aidiyyəti üzrə yerindəcə  tapşırıq verilərək, icrası nəzarətə götürüldü. Eyni zamanda müraciətlərdə həlli rayon səviyyəsində mümkün olmayan məsələlərlə bağlı   vətəndaşlara lazımi  izahat və  istiqamət verildi.
    Qəbulda  rayonun idarə, müəssisə və təşkilat rəhbərləri, kənd inzibati ərazi dairəsi üzrə nümayəndələr, həmçinin Rayon İcra Hakimiyyəti başçısı aparatının məsul əməkdaşları  iştirak etdilər. Sakinlər onların müraciətlərinə diqqətlə yanaşıldığına və müvafiq qaydada köməklik olunduğuna görə rayon rəhbərliyinə təşşəkkürlərini bildirdilər.