Laçın Rayon İcra Hakimiyyətinin başçısının məcburi köçkünlərlə növbəti görüşü-səyyar qəbulu Bakı şəhərinin Pirallahı rayonunda keçirildi.

14 oktyabr 2016-cı il tarixdə Laçın Rayon İcra Hakimiyyətinin başçısı Aqil Nəzərlinin  Bakı şəhəri Pirallahı  rayonu 168 nömrəli tam orta məktəbdə həmin rayonun   ərazisində müvəqqəti məskunlaşan Laçınlı məcburi köçkünlərlə görüşü-səyyar qəbulu keçirildi.
        Rayon İcra Hakimiyyətinin başçısı  Aqil  Nəzərli əvvəlcə 2016-cı il  26 sentyabr tarixdə keçirilən referendumda laçınlıların xüsusi fəallıq göstərdiklərini  qeyd etdi, onlara respublikamızın gələcək  inkişafı üçün  referendumda qaldırılan məsələlərdə  ölkə Prezidenti cənab İlham Əliyevə, eləcə də  dövlətimizə  dəstək olduqlarına  görə  təşəkkür etdi. Aqil Nəzərli çıxışında respublikamızda, eləcə də məcburi köçkünlərin  məskunlaşdıqları ərazilərdə  həyata keçirilən geniş quruculuq və abadlıq işlərindən,  həmçinin məcburi köçkünlərin həyat şəraitinin yaxşılaşdırılması istiqamətində gələcəkdə görüləcək tədbirlərdən, ölkə başçısının   məcburi köçkünlərə  olan   diqqət  və  qayğısından danışdı, bu qayğının əsasının hələ Ulu öndər Heydər Əliyevin hakimiyyətdə olduğu illərdən başladığını, bu gün də İlham Əliyev  tərəfindən uğurla inkişaf etdirildiyini bildirdi.
     Görüşdə çıxış edən məcburi köçkünlər onlara göstərilən diqqət və qayğıya görə Azərbaycan dövlətinə, şəxsən Prezident cənab İlham Əliyevə
öz minnətdarlıqlarını  bildirdilər.
      87 nəfərin  iştirak etdiyi səyyar qəbulda 12 nəfərin müraciəti dinlənilərək, həmin müraciətlərə baxılması üçün  aidiyyəti üzrə müvafiq  tapşırıqlar verildi.
    Səyyar  qəbulda  Rayon  İcra Hakimiyyətinin  başçısı aparatının  məsul işçiləri, rayonun idarə, müəssisə və təşkilat rəhbərləri iştirak etdilər.