Şriftin ölçüsü :

Saytın rəngi :

2 fevral Gənclər günü münasibəti ilə tədbir keçirildi

31 yanvar 2020 | 16:00

2020-ci il 31 yanvar tarixdə laçınlı  məcburi  köçkünlərin  müvəqqəti məskunlaşdıqları Ağcabədi rayonunun Taxta Körpü qəsəbəsində Laçın Rayon İcra Hakimiyyəti və Rayon Gənclər və İdman idarəsinin birgə təşkilatçılığı ilə  2 fevral Gənclər Günü münasibətilə ümumrayon tədbiri keçirilmişdir.
        Tədbirdən əvvəl rayon rəsmiləri və  gəncləri  Laçın Rayon İcra Hakimiyyətinin inzibati binasının qarşında Ulu Öndər Heydər Əliyevin xatirəsinə ucaldılmış büstü və Taxtakörpü qəsəbəsindəki Şəhidlərin Xatirə Kompleksi ziyarət etmiş, hər iki abidə önünə tər güllər düzmüşlər. 
       Sonra tədbir Rayon Təhsil Şöbəsinin iclas  zalında davam etdirilmişdir. Tədbir,  Rayon Gənclər və İdman idarəsinin rəisi Natiq Mustafayev tərəfindən açıq elan edilərək  Ulu Öndər Heydər Əliyevin əziz xatirəsi bir dəqiqəlik  sükutla yad olunmuşdur. Rayon  gənclərini bu əlamətdar bayram günü münasibəti ilə təbrik edən idarə rəisi  “ 2 fevral Gənclər günü” barədə Ulu Öndər Heydər  Əliyevin  tarixi Sərəncamının əhəmiyyəti və bu sahədə  ölkə Prezidenti cənab İlham Əliyevin rəhbərliyi ilə görülən işlərlə bağlı geniş məlumat vermişdir.
        Bununla yanaşı tədbirdə çıxış edən rayon gəncləri də ölkə Prezidentinin davamlı diqqət və qayğısını daim hiss etdiklərini, ölkəmizin  bütün sahələrində gənclərin irəli çəkilərək onlara yüksək etimad göstərilməsinə minnətdarlıqlarını bildirərək bundan    daha da ruhlandıqlarını, daim dövlətə və dövlətçiliyimizə sədaqətlə xidmət edəcəklərini,  Azərbaycan Respublikasının Prezidenti, Ali Baş Komandan  cənab İlham Əliyevin ətrafında sıx birləşəcəklərini,  onun  uğurlu daxili və xarici siyasət və  qətiyyətli mövqeyi sayəsində doğma torpaqlarımızın tezliklə erməni işğalından azad ediləcəyinə qəti əminliklərini bildirmişlər.
       Tədbirdə  Laçın Rayonu İcra Hakimiyyətinin başçısının birinci müavini Tofiq Mirzəyev çıxış edərək, əsası Ulu Öndər Heydər Əliyev tərəfindən qoyulan dövlət gənclər siyasətindən və bu siyasətin Azərbaycan Respublikasının Prezidenti cənab İlham Əliyev və ölkəmizin Birinci vitse-prezidenti Mehriban xanım Əliyeva tərəfindən uğurla davam etdirilməsindən ətraflı söhbət açaraq, dövlət gənclər siyasəti sayəsində əldə edilmiş nailiyyətlər barədə gənclərə geniş məlumat vermiş, xüsusilə ordumuzun qüdrətinin günü-gündən artmasından və orduda olan yüksək inkişafın  tez bir zamanda ölkəmizin ərazi bütövlüyünün  təmin olunması ilə nəticələnəcəyinə qəti əminliyini bildirmişdir. Daha sonra natiq dövlət gənclər siyasəti ilə bağlı ölkə başçısı cənab İlham Əliyevin qarşıya qoyduğu vəzifələr ətrafında geniş  çıxış etmiş,  gənclərimizə şəxsi və ictimai həyatda  uğurlar arzulamış, gələcək fəaliyyətlərinin səmərəli və məhsuldar təmin olunmasına təkan verəcək lazımi tövsiyələr vermişdir.
      Tədbirdə ordudan tərxis olunmuş gənclərə, rayonun ictimai-siyasi həyatında fərqlənən bir qrup gəncə  Fəxri Fərmanlar və qiymətli hədiyyələr verilmişdir.

Keçidlər